SAN MARTIN
Col całigo no vedemo
i nostri monti bei.
Ea pare acua a secei
portà come bora dal mar.
Ma pae stradełe del paese
se sente soeo l’agro odor forte
del mosto che passa e porte,
metendo i còri in ałegria.
Se cusina sol camin e costesine.
El caciator soea porta verta
varda el ceło co aria esperta
e fis-ciando speta.
Ma tra nuvoe scure
s’intravede tristi osei neri
come i nostri pensieri,
de sti tenpi a canpar.
Ceronte
(Liberamente tratta da “San Martino” di Giosuè Carducci)
(11.2011)