‘NA PREGHIERA

cussì ała bona

Santo Dio

che te vedi tuto

varda che ghe so

anca mi,

un fià sconto in disparte.

No sigo forte

pa farme sentire

co Ti basta el pensiero.

Cussì i me ga insegnà

e mi ghe credo, che ze vero.

Tante volte

te go sercà pa domandare,

te me ghe łassà libero

de decidere cossa fare.

Uncò so cuà

e no Te domando gnente.

Te me si davanti sora l’altare

sanguinante e crocefisso

pa salvarne noaltri

da na bruta sorte.

Me vargogno e

Te vogio ringrassiare

che noaltri pa un strisson

stemo tanto sigàre.

Te me vardi

come a dirme:”so to Pare,

fioo mio, no piánsare,

se te voi rivare da Mi

scuminsia pregare”.

Ceronte

(Giugno 2020)