CARO CERONTE

Me pare

che te te gabi montà ea testa

pa cualche complimento

dei amissi.

Ricordete: “Che chi

più in alto saɫe

cade sovente

precipitevolissimevolmente.”

Caro amigo, grassie

del consilio,

pecà che no te gabi capio

che mi no vuio

saire in alto

ma voeare alto!

Cioè ɫassare par tera

e miserie dei omini

e pacioe, i odii, e maelingue

e invidie, i egoismi.

Vivare in pase

sercando de no fare del mae

amando tuti.

Cussì te ringrassio uncora

e te auguro de voeare alto

anca ti.

                       Ceronte

 (Maggio 2019)