XE FINIO EL SOGNO

Go smesso de sognarte
da quando te me ghe dito de no vardarte
e da aeora me vardo torno
e cussì passo mejo el giorno.
Me so incorto quanto xe bea eà libertà
…de pensarte soeo se me và.
No xe più el sogno
ch’el riva anca sensa bisogno.
Posso vedarte seria e preparà
opure ridente e trucà.
Posso coea goma scancearte
o coi déi desfregoearte.
Posso strensarte in brasso
e sensa tante storie darte un baso.
No te poi più far eà prepotente
ma soeo queo che mi go in mente.
e te vedo anca carina
quando te penso de matina,
ma se capita dopo pranso,
te ghe l’aspeto de un ganso!
Podaria ‘ndar vanti tuta eà giornada
a contarte come eà ze ndada,
ma me fermo sol più beo
a riposarme core e sarveo.
Finalmente xe scopià eà libertà
m’eà godo tuta….fin ch’eà và!

Ceronte

pa n’amigo che no capisse el nostro “talian

FINE DEL SOGNO

Ho smesso di sognarti
da quando mi dicesti di non guardarti,
così girai lo sguardo intorno
e passai meglio il giorno.
Oh! quanto è bella libertà
di pensarti solo se mi và.
Non è più il sogno
che arriva senza bisogno.
Posso vederti seria e preparata
oppure ridente e truccata.
Posso con la gomma cancellarti
o tra le dita stropicciarti.
Posso stringerti in un abbraccio
e senza tante cerimonie darti un bacio.
Non puoi più far la prepotente,
ma solo quello che vuole la mia mente
e io ti vedo anche carina
quando ti penso di mattina,
ma se capita di pomeriggio
il tuo aspetto e più…. grigio!
Potrei andar ‘vanti tutta la giornata
a raccontarti come è andata,
ma mi fermo immantinente
a riposare cuore e mente.
Finalmente è scoppiata la libertà
e la godo tutta,…..finche và!

Ceronte