STRADA  FASENDO

No senpre se poe decidare

dove ‘ndare

epure el tenpo passa instesso

pa’l reogio dea vita.

Ogni dì, pianeto

te ve caminando

dove te pare

ma xe segnà dal destin

dove te ghe da ‘rivare.

No cambia gnente

se te ghe ve bałando

o in zenocio pregando.

Vedo omini ‘struiti

‘ndare  contenti

e altri tristi e stufi

trassinarse piansenti.

No ghe xe strade

da seliere,

 ma una soła da afrontare,

pa poderse presentare

a nostro Signore,

co fede e amore,

eà pase nel core.

                                       Ceronte

                                                                    (Gennaio 2014)