SÓ DEVENTÁ NONO

Só deventà nono finalmente.
Chi no ga provà no sa gnente,
cuanto par nove mesi xe stà beo
spetare sto puteo.
Ghe vardavo ea panseta
de sta poco più che toseta,
che coea grasia del Signore
ea ghe cresseva sensa dołore.
Pianeto sensa freta
xe cussì che nasse ‘na vita.
Mama e popà xe el motore
e cuesto xe el fruto del’amore
Ogni tanto sto ninin de puteeto
el tirava ‘na peadina
e noaltri incantai vardavino el gnocheto
che se moveva soea pancina.
Intanto passava el tenpo
e un bel giorno co un sigo forte
el ga saludà el mondo
come se gavesse spałancà e porte.
Mi ło spetavo ingropà
e gò pianto de core
co so mama me ło gà mostrà.
Ogni giorno el gera senpre più beo,
ogni dì un fià più cresuteo.
Capivo anca eà so mameta,
ae so note passà in bianco, povareta,
pae ansie, paure, emosìon
che ghe garà da st’anemeta.
Voendo scomsiare scrivare
calcossa dea so vita
bastaria contare
dea so papa, ea so caca, el so pianto
e del so riso chel gera tanto!
‘Desso el xe grandeto
el me ciama nono, noneto!
Mi fasso finta de gnente
ma ansioso so eà che ło speto
chel me salta al coło
pa darme un baseto.
Dopo, tegnendose strucà par man
‘ndemo zo in cortie, pian pian,
dove tanti altri putei
bianchi, zai, moreti, tuti bei
zuga contenti
soto i oci de altri noni atenti.

Ceronte