S’EA FUSSE ANDA’ !
Desso sòn soło
no vedarò più ea me bea.
Eà ga łassà el gnaro
eà xe “andà” come na steła.
Eà se ga portà via l’amore
eà me ga roto el core.
Bastava eà so presensa
e slusegava tuto torno.
Ghe gò voesto ben anca massa,
eà gera tanto bea
che metà basta.
Quando eà passava tra eà zente
ghe gera invidiose ociade
de chi sercava de copiarla a mente.
Ma ea come na siora ała bona,
storsendo ea testa lentamente,
eà donava un dolse soriseto,
a chi eà sałudava, sensa dir gnente.
De bòta se ga verto eà porta,
eà xe entrà de prepotensa,
tuta nera intavanà
come se un can eà gavesse morsegà.
Co fare indifarente
gò sarà el quaderno
e vardandoła in viso
ghe gò dito sołamente:
“Te spetavo tranquiło,
sensa far gnente!”
Pensa ti che fritata garia fato,
s’eà gavesse łeto
quanto eà gavevo amà!
No nel presente…
ma s’eà fusse proprio…“andà”!
Ceronte
(febraro 2012)