‘NA SERA A CASA

So’ contento che de più no posso
forse parchè no te me geri ‘dosso
e tranquiamente podevo pensare
quaeunque roba sensa frenare.
Ga scuminsià tuto chel giorno
che te te ghe levà da torno
pa no tocare sto “deficente”
che te voeva ben soeamente.
Xe nato in chel momento
‘na caterva de scontento,
ma ti za decisa dove ‘ndare
te ghe rifiutà con paroe amare
el ben che te ghevo prospetà
e te ghe selto na vita de libertà.
Po darsi che ripensando al trapassà
te rinpiansi queo che te ghevo dà!
Ma eà vita no xe finia
e na girada podaria essare gradia!

Ceronte

(Zenaro 2013)