Me so stufà anca massa,

gero intorcoeà come na matassa.

Moea tuto, me so dito

e daghe un tajo neto!

Sertamente “ea”, sarà beata,

sensa sto tirapie

che ghe rovinava eà giornata.

Ma da unco sò feisse anca mi,

che eà giornata

eà passo, co quea che digo mi.

Me ze vegnù in memoria

tanti proverbi so sta storia,

e go da dire eà verità

gnanca uno de sbalià.

par esempio, queo che dise:

“Persa una, te ne trovi…diese!”

No ve conto come eà ze ‘ndà,

ma una de bea, eà go za trovà,

tanto cara e co bona creansa,

  che me voe za ben

e par mi ze più che ‘bastansa.

Stemo vissini e s’eà contemo

e pal futuro…ghe pensaremo!

                                                                                   Ceronte

                                                (Dicembre 2013)