L’INCONTRO CHE SPETAVO

Cuesto xe el giorno
che spetavo da na vita.
Uncò finalmente el xe ‘rivà,
desmesso cuasi
pa no darme fastidio.
El portava piova
e nol pareva tuto par mi,
ma eò sentivo za a oci sarà,
‘scoltando na canpana
batare l’Ave Maria,
preparare sto difissie incontro.
Co na vergognosa faccia tosta
e na testa co dentro più aria che sarveo,
garia rivisto sto sgargiante fiore
domandarme sensa verzare boca,
parchè eà gavevo invità
al calar del sole.
Me so gonfià el peto, no pa prepotensa,
ma par trovare…aria…
a farme vegner fora paroe
tenare e de amor, pa convinsare
a dirme de si,
sta belessa unica
che gavevo davanti e me vardava.

Pareva eterna eà spetativa.
No me mancava miga el coragio…
e gnanca eà sicuressa…
pa sta ultima ocasiòn
dea me vita.
Co dee vampade rosse sol viso,
impressia go scuasi sigà,
prima forte po senpre più tremolante:
VOEVO…………
…….VOVOEVO……………..
……….VOVOVOVOEVO………..

…..offrirte un spriss…!!!!!!!!!!

Ceronte

Settembre 2012