Allora dov’eravamo rimasti? Riprendo e concludo la lettuta della poesia satirica ” La sorpresa” di Camilo Nalin.
L’è montà de presenza su le furie
quando l’ha scoverto el tradimento,
disendoghe fra mezzo a mille ingiurie
_ Cossa fastu bricon sconto qua drento?
vien fora fiol de un can , se ti ga muso,
che Corneto no son se non te sbuso.
In sto frangente tanto decisivo
Fureghin povareto se confonde
e da la gran paura semivivo
tuto quanto tremante el ghe risponde
co un per de ochi tirai , ma sempre bassi,
_ Gera qua che faceva quatro passi _
A sta stravantissima risposta
Sior Marcantonio resta imatonio.
Intanto Fureghin ciapa la porta
sfidando ogni lacchè de starghe drio.
E dal scagasso che l’à avudo alora,
se i me domanda a mi, lu core ancora.
Quel che sia nato dopo nol se sa,
perchè se vol tegnir tuto segreto,
ma un certo Piero Tomba m’à contà
che sia da l’avocato andà Corneto,
e co un passo latin che ‘l sior Arcasa
pensando ben ‘là consegià che’l tasa.