FINALMENTE EL SOŁE
Finalmente el sołe,
no ghe intaressa odi e amori
e sciara e scalda tuta eà tera.
Dee volte el pare
un riguardoso ospite
cuando chel sorge al’alba
tra bianche nuvoeete
che se sbassa
e se sposta pa farlo passare.
Altre volte de prepotensa
el scalda el’orba
chel muso de toła, che
nol capisse il mesagio:
Sarà senpre lu el più forte
pa uncò e par senpre.
Albegia,
el primo lavoratore,
un baretton in testa,
se ripara i oci meziverti
da sti bassi ragi
al’orisonte .…el va!
El passo stracco
torna casa,
pien de sono el noturno laorante,
da poco el ga ɫassà
el cambio a cueo de giorno.
Anca lu se ripara
da stì lampi de luce
e mainconicamente el pensa,
nol brila par lu el sołe,
ma tra poco el sarà contento
de abraciare ea so dona,
che soea porta de casa eò speta.
Ceronte
(Marzo 2018)