EL ME ANGEŁO

Amiga mia.
Te jeri ła mejo,
te saré senpre ła mejo.
Mi go fato in tenpo
‘starte apena un fià vissin
e zà te me ghe łassà.
No go più podesto mandarte i me timidi
tremołanti sentimenti
de un core sensa małissia.
No inporta più se i te xe ‘rivà.
Ormai xe passà el tenpo
de vardare ‘vanti !
Ga durà massa poco el sogno
e pure go sentio ło stesso un palpito,
come na caressa de un angeło
che me sfiorasse.
Tacà de ti no podeva nassare pensieri
umani, łassivi e volgari.
Un soriso ingenuo e s-ciéto,
raramente vełado,
iluminava el to viso pułito.
Ła to vosse soavemente dolse
come vegnù dal cieło
al cieło ła tornava cantando in ciesa.
I to oci sinceri, lanpri e gentiłi
traversà da cualche refoło de mestissia
mostravano ła to anema candida
e provocavano soło desideri
de teneressa e amore.
Te vardo ‘desso łà imobiłe
e pare che te me soridi uncora,
ma xe soło ‘na foto
messa pa ricordare a tuti
che łe to soferense xe finie
e che finalmente te si Serena,
par senpre.

Ceronte

( In memoria dell’amica Serenella)

(Premiata al Concorso “Angeli nella mia vita”)
OIC – Corriere del Veneto – Soc .Dante Alighieri
Anno 2010

IL MIO ANGELO

Amica mia.
Eri la migliore,
sarai sempre la migliore.
Ho fatto in tempo
a starti un po’ vicino
e già mi hai lasciato.
Non ho più potuto mandarti i miei timidi
tremolanti sentimenti
di un cuore senza malizia.
Non importa più se ti sono arrivati.
Ormai è passato il tempo
di guardare avanti!
È durato troppo poco il sogno
eppure ho sentito lo stesso un palpito,
come la carezza di un angelo
che mi sfiorasse.
Vicino a te non potevano nascere pensieri
umani, lascivi e volgari.
Un sorriso ingenuo e schietto,
raramente velato,
illuminava il tuo viso pulito.
La tua voce soavemente dolce
come venuta dal cielo
al cielo tornava cantando in chiesa.
I tuoi occhi sinceri, limpidi e gentili
attraversati da qualche soffio di mestizia
mostravano la tua anima candida
e provocavano solo desideri
di tenerezza e amore.
Ti guardo adesso là immobile
e pare che mi sorridi ancora,
ma è solo una foto
messa per ricordare a tutti
che le tue sofferenze sono finite
e che finalmente sei Serena
per sempre.

Ceronte