EL CARNEVAE  

Anca uncò xe drio passare,

vedo el soe smarirse nel tramontare

e mi soeto che ‘ndavo

 gnanca ghe pensavo

che tra poco garia trovà

na bocata de feisità.

I più curiosi starà pensando

a cossa stò tramando

e invesse xe tuto vero

gò trovà un amigo sincero.

L’amicissia no me mancava miga

ma eà gera senpre n’amiga!

ansi ghe ne gò de tanto care

che saria un pecà no amare.

Però a un amigo te ghe poi contare

de cuea che no ghe voe stare,

o de stal’altra simpatica caciarona

che te tien alegro cussì aea bona

e lu te da el consilio de gusto,

co afeto e al momento giusto.

Eco parchè vere un amigo

xe un piasere che no te digo.

El me ga subito contà

dee ore chel ga passà

a divertirse a Venessia

pasegiando sensa pressia,

co tante mascare su e zò pae cae

pa festegiare carnevae.

El me ga mostrà e foto più bee

ma no soeo cuee,

ma anca de serte brasiliane,

che fa invidiare e italiane,

che a Rio è cantava e baeava

e tuto è mostrava!

Na bea difarensa dae nostrane

tute intabarà da no parere umane.

Ma xe finio el tenpo de saltare e baeare,

xe vegnù cueo de pensare.

Mercore xe scuminsià ea quaresema

e  convien a tuti snetarse l’anema!

 Se cualche salto se poe uncora fare

xe soeo ……sol magnare!

                                               Ceronte

                (Marzo 2014)