DAVANTI AL SPECIO

Te vardo specio mio
e serco eà me figura
pa conossarla dentro
ma ti no te rispondi
ma gnanca te disi busie.
Mezo indormessà sta matina
squasi no te vedi
coi oci mezi sarà
sto amigo
che te ghe davanti.
Me pare che te ghe capio
che vujo scrivare de ti:
Ma no te te inrabi
te me vardi co un soriseto
e un soriseto teo fasso anca mi.
Non capisso sto pensiero che me ciapa
me pare esare fora de testa
sta matina.
Ma ti parchè no te parli
te podarissi iutarme
visto che te me conossi ben 

Se vardemo coi oci spaeancai
pa capirse mejo.
Ma ti te tasi uncora!
Te sarè pure sagio
ma no te me iuti
col to siensio.
Te me vardi e te ridi
cusì te vardo e rido anca mi.
Pa finire gheto capio,
che anca se te domando n’aiuto
el più forte so mi.
Posso dirte eà verità:
“Me spaco ma no me piego.”
E desso te pago el siensio.
Vian!
No vuio vedarme più,
e cussì te finissi sfrantumà.

Ceronte