Dal web ho trovato questa storiella simpatica.
Ma chi zea a Mama?
Ze ea festa dea Mama! Ma chi zea?
A ze a Mama coa eme maiuscola,
quea che te insegna a rispetàre el lavoro dei altri:
“Se dovì copàrve, fèo fora de qua, che go pena finio de netàre”.
A ze quea che te insegna a pregare:
“Prega el to Dio che te no te sia cascà a nutela sul tapèto”.
A ze quea che te insegna a rispetàre i orari de lavoro:
“Se no te nèti ben a to càmara, entro domenega, te faso netàre tuta a casa pa un mese!”.
A ze quea che te insegna a ragionare con logica:
“Parchè? Parchè lo digo mi, eco parchè!”.
La Mama ze quea che te insegna a èssare previdente:
“Te gheto cambià e mudande? No sia mai che te fassi un incidente e te gabia da visitare el dotòre”.
La Mama ze quea che te insegna a ciapàre le robe con ironia:
“Prova pure a ridere che dopo te faso pianzere mi”.
La Mama ze quea che te insegna dele tecniche ai limiti del’impossibile:
“Adesso basta! Sara ea boca e magna!”.
La Mama ze quea che te insegna le tecniche del contorsionismo:
“Varda là! Te si tuto sporco dadrio, sul colo”.
Paolo Brolati
