BISOGNARIA PENSARGHE
Bisognaria pensarghe ben prima de dare giudissi soe persone.
Go asistio a ‘na seneta tra un padovan e un nero che me ga fato star mae e anca me ga fato fare un esame de cossiensa.
Ghe gera sto bianco aea porta del so negosio che‘l mandava via in modo pitosto bruto e rabioso sto nero che’l gheva un poche de robe in man e che fassilmente gheva insistio un fià massa a voer vendarghe qualche cianfrusalia, ma in sostansa voeva un fià de carità pa magnare. Cussì, sensa voere, go sentio e ultime paroe dea discussiòn.
El bianco: – Ma parcossa no veto łavorare invesse de rompare e scatoe (veramente lu el ga dito ‘na paroeassa) aea zente che ga da fare?
El nero: – Magari poter lavorare. Io cercare. Niente lavoro. Solo ofese. Mandato fuori dai piedi. Per me restare soło carità o rubare. Io no volio rubare. Io omo onesto. Io fame. Mia familia fame. Miei figli fame.
El bianco: – Aeora torna casa tua, chi xe che te ga ciamà? Mi no de sicuro. Gira, gira, basta, va via, fora dei pie (altra paroeassa).
El nero:- Africa casa mia tuta fame, omo bianco venuto portato lavoro, tanto lavoro, bono omo bianco portato tanto lavoro, noi lavoro ma niente soldi e poco mangiare, solo lavoro portato omo bianco bono; lui no lavoro tropo stanco, lui portato via oro, portato via petrolio, portato via alberi legno pressioso solo Africa; portato via tuto quelo che c’era de bono, a noi restato solo deserto e fame.
El bianco, uncora inrabià ma manco convinto de prima: – Podevi massarlo, difendarve, metarve tuti insieme e farlo scampare, geri in tanti…
El nero: – Omo bianco bono, promesso lavoro e mangiare se anca noi boni, senò suoi omini sparare a noi cativi e tante bote pa farne deventare boni.
El bianco, vardando anca mi: – Serto che pensandoghe ben, bisogna dire che i ghe na passà tante e i ga da stare tanto mae se i xe costreti łassare eà so tera, eà so casa, eà fameja e ‘ndare in giro pal mondo, no so cossa faria mi nee stesse condissiòn!
A sto punto, quasi vargognandose, el ga messo eà man in scarsea el ghe ga dà qualche euro e dopo el ga sarà eà porta e chissà se dentro el garà pensà a sto poro cristian nero in giro pae strade, maltratà e malvisto da tuti…
No vojo far cambiare idea a chi łese però me piasaria che tuti ghe pensassimo un poco de più prima de dare giudissi. In fondo anca łori no i xe tuti uguali, ghe n’é de pezo e ghe n’é de mejo; de sicuro i deinquenti no va umiliarse e caminare tanto pa ciapare più paroe che schei.
Ceronte
BISOGNEREBBE PENSARCI
Bisognerebbe pensarci bene prima di dare giudizi sulle persone.
Ho assistito ad una scenetta tra un padovano e un nero che mi ha fatto star male e mi ha fatto riflettere.
C’era questo “bianco” alla porta del suo negozio che mandava via in modo piuttosto brutale e violento questo “nero” che aveva in mano un po di cose e probabilmente aveva insistito un po troppo a voler vendergli qualcuna di queste cianfrusaglie, ma in sostanza cercava un po di elemosina per mangiare. Così senza volere, ho sentito le ultime frasi della discussione.
Il bianco: – Ma perchè non vai a lavorare invece di rompere le scatole (veramente, ha detto una parolaccia) alla gente che ha altre cose da fare?
Il nero: – Magari poter lavorare. Io cercare. Niente lavoro. Solo offese. Mandato via, fuori dai piedi. Per me restare solo carità o rubare. Io no volio rubare. Io omo onesto. Io fame. Mia familia fame. Miei figli fame.
Il bianco: – Allora torna casa tua, chi ti ha chiamato? Io no di sicuro. Gira, gira, basta, fuori dai piedi. (e giù un’altra parolaccia)
Il nero: – Africa casa mia tanta fame, omo bianco venuto portato lavoro, tanto lavoro, bono omo bianco portato tanto lavoro, noi lavoro ma niente soldi e poco mangiare, solo lavoro portato omo bianco bono, lui no lavoro tropo stanco, lui portato via oro, portato via petrolio, portato via alberi preziosi solo Africa; portato via tuto quelo che c’era di bono, a noi restato solo deserto e fame.
Il bianco, ancora arrabbiato ma meno di prima: – Potevate ucciderlo, difendervi, mettervi tutti insieme e farlo scappare, eravate in tanti….
Il nero: – Omo bianco bono, promesso lavoro e mangiare se anche noi boni, senò suoi uomini sparare a noi cativi e tante botte per farci diventare boni.
Il bianco, guardando anche me: – Certo, pensandoci bene, bisogna dire che ne hanno passate tante e devono stare tanto male se sono costretti lasciare la loro terra, la loro casa, la loro famiglia e andare in giro per il mondo….non so cosa farei nelle stesse condizioni!
A questo punto, quasi vergognandosi, ha messo una mano in tasca e tirato fuori qualche moneta, dopo ha chiuso la porta e chissà se dentro avrà pensato a questo povero cristiano nero in giro per strade, maltrattato e malvisto da tutti…..
Non voglio far cambiare idea a chi legge, però mi piacerebbe che tutti pensassimo un po di più prima di dare giudizi. In fondo anche loro non sono tutti uguali, ci sono i buoni e i cattivi, di sicuro i delinquenti non vanno umiliarsi e camminare tanto per prendere più parole che soldi.