PA  FAR  RIDARE  I  MAGIORENI

! basta poco !

– Ciao Piero, finalmente! Xe na vita che no s’incontremo. E ‘desso che te vardo me pare  che te gabi i oci tanto sbatui. Steto poco ben?

– Tasi, tasi amigo mio, a stago più che ben, a stago benon, me go trovà na pischeła che ła xe na bomba. Bisognaria che te ła vedessi, na gran bea tosa, un poco sora i otanta! ma ea ghe ne dimostra tanti de manco.

– Ma Piero, no te te vargogni miga! Ea pare bon essare to mare.

– Eh! Bisognaria che te contasse tante robe pa farte capire che tipo che ła xe. Te digo solo ł’ultima. Eà xe ‘ndà sentire na circonferensa soea sessualità! Be’ eła  xe nea categoria dee più gravi, se fa par dire, cuea dea genitałità…no ea xe mai stufa! No so se me spiego!! Pa darte n’idea: tanto ghe xe farlo…prima de magnare o ‘pena magnà, de matina o de note, coea pansa piena o sensa gnente dentro!…..

– Ah! Desso go capio parcossa te si cussì stravanio!…. Ma dime, dime. A xe un toco che mi no bato un ciodo…! Seto gnente…se par caso….ea ga n’amiga…coea stessa …disemo “małatia”?

Ceronte

(22 Aprile 2013)