images pioggia

MANCO MAŁE
che ghe se uncora calcossa
de giusto a sto mondo.
Ciapa eà piova!
Se piove par mi
piove anca par ti,
piove pal sior
e piove pal porocan.
Piove pa l’onesto
e piove pa l’imbrojiòn.
Come ea ciapo mi
te eà ciapi anca ti.
Eco!, fra tante ingiustissie
questo un fià me consolava…
fin cuando chel fiolduncan
de me amigo Piero,
co do paroe ga rovinà tuto.
El me dise:
“A ti-te pare giusta eà piova,
ma fra ti e chel ramengo
che te ga fregà eà ombrea,
chi xe che ne ciapa de più,
ti o łù???”

Ceronte

(Giugno 2015)